१३ जेष्ठ २०८१, आईतवार

युवतिहरुलाई वातावरण संरक्षणसंगै आर्थिक सक्षमताको तालिम प्रदान

युवतिहरुलाई वातावरण संरक्षणसंगै आर्थिक सक्षमताको तालिम प्रदान

समाचारदाता
नेपालगन्ज, चैत १६ । बाँके युनेस्को क्लबले बर्दियाको ठाकुरद्वारामा सञ्चालन गरेको वातावरण संरक्षण सम्बन्धी दुई दिने तालिम सम्पन्न भएको छ ।
प्लान इन्टरनेशनल नेपालको साझेदारीमा क्लबद्धारा बर्दियामा सञ्चालित हरित अर्थतन्त्र परियोजना अन्तर्गत सो तालिम सञ्चालन गरिएको थियो ।
सो तालिममा राजापुर नगरपालिकाका १५ र ठाकुरबाबा नगरपालिकाबाट १५ जना गरी कुल ३० जनाको सहभागिता रहेको क्लबका अध्यक्ष रवि तुलाधरले बताउनुभयो ।
उहाँले वातावरण र हरित अर्थतन्त्रको महत्व, बढ्दो ग्लोबल वार्मिङ र जलवायु परिवर्तनका कारणले क्षतविक्षत हुने वातावरणको नकारात्मक असरका बारेमा केन्द्रित रहेर युवतीहरूलाई ज्ञान प्रदान गर्नु तालिमको मुख्य उदेशय रहेको बताउनुभयो ।
तालिमको प्रमुख प्रशिक्षक रहनु भएका बर्दिया राष्ट्रिय निकुञ्जका सहायक वार्डेन बद्री विनोद दाहालले विद्यमान वातावरणीय कानून र यसको प्रभावकारी कार्यान्वयनसँगै सामुदायिक स्तरमा वातावरण संरक्षणका लागि ध्यानमा राख्नुपर्ने विषयहरुका बारेमा बिस्तृत रुपमा जानकारी गराईएको बताउनुभयो ।


उहाँले सहभागि युवतीहरु निकै हर्षित र उत्साहित देखिएको तथा उनिहरुले समाजमा सम्मानजनक जीवनयापन गर्न हरित व्यापारमा आफुलाई आत्मनिर्भर र आर्थिक रुपमा सक्षम बनाइ वातावरण संरक्षणमा योगदान पु¥याउन समुदायस्तरमा चेतना जगाउने प्रतिवद्धता समेत जनाएको बताउनुभयो ।
तालिमका सहभागि दिल कुमारी चौधरीको अध्यक्षतामा सम्पन्न भएको तालिम समापन कार्यक्रमको प्रमुख अतिथिमा क्लबका वरिष्ठ उपाध्यक्ष पञ्चम गुरुङ लगायत अध्यक्ष तुलाधर, प्रमुख संरक्षक परवेज अली सिद्दिकी र कार्यकारी निर्देशक साजिद अली सिद्दिकीको पनि उपस्थिति रहेको थियो ।
सो अवसरमा सहभागीहरूको तर्फबाट बोल्दै नैना थारुले यो प्रशिक्षणले वातावरणको महत्व र बाँच्नको लागि मानव र वातावरणबीचको अभिन्न अन्तर सम्बन्धका बारेमा राम्ररी जानकारी भएको हुनाले तालिम निकै उपलब्धीमूलक भएको बताउनुभयो ।
कार्यक्रम सफल पार्न परियोजनाका कर्मचारीहरु राधेकृष्ण थारु, सञ्जिता रिजाल र कञ्चन दहितले पनि उल्लेख्य सहयोग गर्नु भएको थियो ।


Deprecated: Function wp_img_tag_add_loading_attr is deprecated since version 6.3.0! Use wp_img_tag_add_loading_optimization_attrs() instead. in /home/nepalgun/public_html/wp-includes/functions.php on line 6078

Deprecated: Function wp_get_loading_attr_default is deprecated since version 6.3.0! Use wp_get_loading_optimization_attributes() instead. in /home/nepalgun/public_html/wp-includes/functions.php on line 6078

Deprecated: Function wp_img_tag_add_loading_attr is deprecated since version 6.3.0! Use wp_img_tag_add_loading_optimization_attrs() instead. in /home/nepalgun/public_html/wp-includes/functions.php on line 6078

Deprecated: Function wp_get_loading_attr_default is deprecated since version 6.3.0! Use wp_get_loading_optimization_attributes() instead. in /home/nepalgun/public_html/wp-includes/functions.php on line 6078
यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

Leave a Reply

Your email address will not be published. Required fields are marked *