सिराज खान
नेपालगञ्ज, भदौ १० गते । संघीय सरकारका युवा तथा खेलकुद मन्त्री महेश्वर गहतराज अथकले बढी भन्दा बढी खेतबारीमा सिंचाईको सुविधा पुरयाउन सरकार कटिबद्ध रहेको बताउनु भएको छ ।
बाँकेको राप्तीसोनारी ८ बालापुरमा निर्माण गरिएको डिप ट्युववेल सिंचाई आयोजनाको शुक्रवार उदघाटन गर्दै मन्त्री अथकले सिंचाईको अभावमा किसानलाई निकै समस्या हुने हुँदा ठुलो आयोजना नपुगेका ठाउँमा डिप ट्युववेलबाट सिचाई गरिने बताउनुभयो ।
समयमा वर्षा नभएर बाँकेको राप्तीसोनारीमा सुख्खा पर्न लागेको बेला यो आयोजना शुरु गरिएपछि सयौं किसानले समयमै सबै खेती गर्न पाउने उहाँले बताउनुभयो ।
सो अवसरमा बोल्दै लुम्बिनी प्रदेशका सांसद पार्वती पुन उषाले समयमा वर्षा नहुँदा सधैं आकाशे पानीको भरमा खेती गर्न बाध्य स्थानीय किसानलाई अब निकै राहात हुने बताउनुभयो ।
वडा नम्बर ८ का वडा अध्यक्ष शालिकराम डाँगीले निकै लामो समयको प्रयासपछि यहाँका किसानले सिंचाईको सुविधा पाएको बताउनुभयो ।
सो आयोजना मन्त्री अथकको पहलमा समृद्ध तराई मधेश विशेष सिंचाई कार्यक्रम अन्तर्गत मिलनसार डिप ट्युववेल उपभोक्ता समिति बालापुरद्धारा एक करोड रुपियाँको लागतमा निर्माण गरिएको हो ।
उक्त सिंचाई आयोजनाबाट बालापुरका १५० भन्दा बढी किसानको ८० विघा क्षेत्रफल जग्गामा सिंचाई सुविधा पुग्ने मिलनसार डिप ट्युववेल उपभोक्ता समितिका अध्यक्ष यामराज खड्काले बताउनुभयो ।
उहाँले डिप ट्युववेल मार्फत सिचाई सुविधा पाएपछि स्थानीय किसान निकै खुशी भएको र अब १२ महिनानै खेती गर्न सकिने हुँदा व्यवसायीक खेती गर्ने उहाँहरुको योजना रहेको बताउनुभयो ।
Deprecated: Function wp_img_tag_add_loading_attr is deprecated since version 6.3.0! Use wp_img_tag_add_loading_optimization_attrs() instead. in /home/nepalgun/public_html/wp-includes/functions.php on line 6078
Deprecated: Function wp_get_loading_attr_default is deprecated since version 6.3.0! Use wp_get_loading_optimization_attributes() instead. in /home/nepalgun/public_html/wp-includes/functions.php on line 6078
Deprecated: Function wp_img_tag_add_loading_attr is deprecated since version 6.3.0! Use wp_img_tag_add_loading_optimization_attrs() instead. in /home/nepalgun/public_html/wp-includes/functions.php on line 6078
Deprecated: Function wp_get_loading_attr_default is deprecated since version 6.3.0! Use wp_get_loading_optimization_attributes() instead. in /home/nepalgun/public_html/wp-includes/functions.php on line 6078
