२६ माघ २०७९, बिहीबार

कबाडी मालसामान व्यवसायी संघ बाँकेद्धारा विरामीलाई फलफुल वितरण, अन्जनी माता रसोइलाई खाद्यान्न सहयोग

कबाडी मालसामान व्यवसायी संघ बाँकेद्धारा विरामीलाई फलफुल वितरण, अन्जनी माता रसोइलाई खाद्यान्न सहयोग

समाचारदाता
नेपालगञ्ज, भदौं २ । भेरी वातावरणीय विशिष्टता समुह बी ग्रुपले जीआइजेड नेपाल र एमडीएम फ्रान्सको सहकार्यमा सञ्चालित पेशागत तथा वातावरणीय स्वास्थ्य सहयोग परियोजना अन्तर्गत प्राविधिक र आर्थिक सहयोग गरि दर्ता गराएको कवाडी माल सामान ब्यवसायी संघ बाँकेले बिहिवार नेपालगञ्जस्थित भेरी अस्पतालमा रहेका विरामीहरुलाई फलफुल बितरण गरेको छ ।
संघ दर्ता भएको उपलक्ष्यमा बाँकेमा रहेका सम्पूर्ण कवाड ब्यवसायीहरुले आर्थिक संकलन गरि अस्पतालमा रहेका विरामीहरुलाई फलफुल वितरण गरेका हुन । अस्पतालमा रहेका करिब एकसय जना विरामीलाई फलफुल सहयोग गरिएको संघका अध्यक्ष मोहम्मद उमर कवाडीले जानकारी दिनुभयो । संघका लुम्विनी, कर्णाली तथा सुदुरपश्चिम संयोजक चन्दनकुमार शाहले संघ बिधिवत दर्ता भएको अवसर पारेर अस्पतालमा रहेका विरामीहरुलाई फलफुल सहयोग गरिएको बताउनुभयो ।


यसैगरी संघको पहलमा ब्यवसायी श्याम जायसवालले अस्पताल परिसरमा विरामी र कुरुवालाई न्यूनतम मुल्यमा खाना खुवाउँदै आएको अञ्जनी माता रसोईलाई ५ बोरा चामल र नुन सहयोग गर्नुभएको छ ।
सो अवसरमा कवाडी माल सामान ब्यवसायी संघ बाँकेका अध्यक्ष उमर कबाडीले दर्ता गर्न सहयोग गरेकोमा परियोजना र बी ग्रुपलाई धन्यवाद दिनुभयो । फलफुल तथा खाद्यान्न वितरण कार्यक्रममा पेशागत तथा वातावरणीय स्वास्थ्य सहयोग परियोजनाका व्यवसाय विकास अधिकृत समद सिद्दिकी, सामाजिक परिचालन अधिकृत राज कुमार खड्का, कृषि प्राविधक धना रावल र लक्ष्मी प्रसाद आचार्यको पनि सहभागिता रहेको थियो ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

Leave a Reply

Your email address will not be published. Required fields are marked *