१९ मंसिर २०७९, सोमबार

खजुरामा विभिन्न पार्टी परित्याग गरेर ३४३ जना जसपामा प्रवेश

खजुरामा विभिन्न पार्टी परित्याग गरेर ३४३ जना जसपामा प्रवेश

नेपालगञ्जपाटी समाचार
नेपालगञ्ज, २७ कात्तिक । बाँकेको खजुरा वडा नम्बर ७ मा बिभिन्न पार्टी परित्याग गरेर ३४३ जना जनता समाजवादी पार्टीमा प्रवेश गरेको जनता समाजवादी पार्टीले जनाएको छ ।
जनता समाजवादी पार्टी बाँकेका अध्यक्ष कमरुद्दीन राईले दिनु भएको जानकारी अनुसार शनिवार खजुरा वडा नम्बर ७ मा आयोजना गरिएको एक कार्यक्रममा सो क्षेत्रका ३४३ जना महत्वपुर्ण व्यक्तित्व र युवाले अन्य पार्टी परित्याग गरेर जसपामा प्रवेश गरेका हुन् ।
पार्टी प्रवेश गर्नेहरुलाई कार्यक्रमका प्रमुख अतिथि पार्टीका केन्द्रिय कार्यकारिणी सदस्य, पुर्व मन्त्री एवं बाँके क्षेत्र नम्बर २ का सांसद मोहम्मद ईश्तियाक राईले पार्टीको सदस्यता प्रदान गर्नु भयो ।


सो अवसरमा बोल्दै उहाँले समग्र बाँकेको विकास र उत्थानका लागि सबैले जनता समाजवादी पार्टीलाई नै रोज्न थालेको बताउनुभयो । उहाँले मधेशी, मुस्लिम, जनजाती र पिछडिएका सबै वर्गको उत्थान जसपाले मात्रै गर्न सक्ने दावी समेत गर्नुभयो । पार्टीप्रति जिल्ला भरिका जनतामा देखिएको आकर्षणले आफुहरु निकै उत्साहित भएको पनि सो अवसरमा पुर्व मन्त्री राईले बताउनुभयो ।


सो अवसरमा पार्टीका केन्द्रिय सदस्य अजय श्रीवास्तव, हिक्मत बिक, लुम्बिनी प्रदेश कोषाध्यक्ष अम्बिका काफ्ले, सदस्य बेबी तबस्सुम अन्सारी, जिल्ला अध्यक्ष कमरुद्दीन राई, उपाध्यक्ष राजन राना मगर, क्षेत्र न ३ का अध्यक्ष राजीव बर्मा, जसपा नेता सफीक सिद्दीकी, इसाक खान लगायतले मन्तब्य राख्नु भएको थियो ।
कार्यक्रम जसपा खजुरा गांउपालिका अध्यक्ष बलराम यादवको सभापतित्वमा सम्पन्न भएको जसपा बाँकेका सचिव राजेन्द्र विश्वकर्माले बताउनुभयो ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
1
+1
0
+1
0
+1
0

Leave a Reply

Your email address will not be published. Required fields are marked *