जमुनाहा नाकामा एकैदिन ३७ जनामा कोरोना संक्रमण पुष्टि, नाकामा थप कडाई आवश्यक

नेपालगञ्जपाटी समाचार
नेपालगञ्ज, पुस २४ । नेपालगन्जको जमुनाहा नाकामा एकै दिन ३७ जनामा कोरोना पुष्टि भएको छ । शुक्रबार भारतका विभिन्न राज्यबाट आएका ३७ जनामा कोरोना पुष्टि भएको जमुनाहा हेल्थ डेस्कका ल्याब टेक्निसियन चिरञ्जीवी ज्ञवालीले बताउनुभयो । एन्टिजिन विधिबाट कोरोना परीक्षण गर्दा शनिवार विहान ९ बजेसम्म १६ जना, बिहीबार २७, बुधबार र मंगलबार ५, ५ र सोमबार १० जनामा कोरोना पुष्टि भएको थियो ।
सोमबार यता भारतबाट आएका सय जनामा कोरोना संक्रमण पुष्टि भएको ज्ञवालीले जानकारी दिनुभयो । भारतबाट आउनेमा यसरी तिवै गतिमा संक्रमण देखिन थालेपछि नाकामा थप कडाई गर्न स्थानीयले माग गरेका छन् । नाकामा कडाई नगरिए उताबाट संक्रमण लिएर आउनेहरुले यता फैलाउने संभावना प्रवल रहेकोले कसैलाई पनि परीक्षण विना छिर्न नदिन स्थानीयको माग छ ।