१६ आश्विन २०७९, आईतवार

डुडुवाका जेष्ठ नागरिकलाई कम्बल र च्यवनप्राश वितरण

डुडुवाका जेष्ठ नागरिकलाई कम्बल र च्यवनप्राश वितरण

नेपालगञ्जपाटी समाचार
नेपालगञ्ज, पुस २७ । चिसो र शितलहरका बेला जेष्ठ नागरिकलाई चिसोबाट जोगाउन बाँकेको डुडुवा गाउँपालिकाले न्यानो सामाग्री वितरण शुरु गरेको छ ।
गाउँपालिकाको वडा नंं १ देखि ६ वटै वडाका जेष्ठ नागरिकहरुलाई न्यानो कम्बल र च्यवनप्राश वितरण गर्न शुरु गरेको हो । गाउँपालिकाका अध्यक्ष नरेन्द्रकुमार चौधरीले मंगलबार एक कार्यक्रमका बीच जेष्ठ नागरिकहरुलाई कम्वल हस्तारण गर्नुभयो ।
त्यस अवसरमा बोल्दै अध्यक्ष चौधरीले अहिले चिसो मौसममा यो न्यानो कम्बलले मद्दत पुर्याउने विश्वास व्यक्त गर्नुभयो । उहाँले गाउँपालिकाले जेष्ठ नागरिकलाई लक्षित गरी विशेष कार्यक्रमको प्याकेज लागू गरेको भन्दै अब डुडुवाका कुनै पनि जेष्ठ नागरिकलाई स्वास्थ्य लगायतका सेवाबाट बञ्चित हुनुपर्ने अवस्था नआउने बताउनुभयो । गाउँपालिकाले अहिले जेष्ठ नागरिकका लागि छुट्टै १५ शैयाको अस्पताल संचालनको तयारी गरेकाले स्वास्थ्य सम्वन्धि सम्पूर्ण उपचारको व्यवस्था गरिने उहाँले बताउनुभयो ।
गाउँपालिकाको ६ वटै वडामा ७० वर्ष पूरा गरेका जेष्ठ नागरिक, ६० वर्ष पूरा गरेका जेष्ठ नागरिक दलित र एकल महिला गरी दुई हजार सात सय २८ जनालाई कम्वल र च्यवनप्राश वितरण गरिने वडा सचिव शिवकुमार मौर्यले बताउनुभयो । मंगलवार १ सय ५० जनालाई उक्त कम्बल वितरण गरिएको छ । हिँड्डुल गर्न नसक्ने जेष्ठ नागरिकहरुलाई गाउँपालिकाले सवारी साधनको प्रयोग गरी घरबाटै ल्याउने लैजाने समेत व्यवस्था गरेको छ ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

Leave a Reply

Your email address will not be published.