१६ चैत्र २०८०, शुक्रबार

नेपाली सेनाको निरीक्षण विभागको टोलीद्धारा होल्डिंग सेन्टरको निरीक्षण

नेपाली सेनाको निरीक्षण विभागको टोलीद्धारा होल्डिंग सेन्टरको निरीक्षण

नेपालगञ्जपाटी समाचार
नेपालगञ्ज, माघ १६ । नेपाली सेनाको निरीक्षणाधिकृत विभागका निरिक्षण अधिकृत उपरथि निरन्जन कुमार श्रेष्ठसहितको निरिक्षण भ्रमण टोलीले नेपालगञ्जमा निर्माणाधिन होल्डिंग सेन्टरको स्थलगत निरिक्षण गरेको छ ।
नेपाली सेनाका उपरथि श्रेष्ठसहितको भ्रमण टोलीले कोरोना संक्रमितहरुलाई राख्नका लागि निर्माण भैरहेको एक हजार बेड क्षमताको नेपालगञ्ज १४ भवनियापुरमा निर्माणाधिन होल्डिंग सेन्टरको निरिक्षण गरेर सो को निर्मााणका बारेमा आइतवार जानकारी लिनुभयो ।
उहाँले होल्डिंग सेन्टरको निर्माणलाई छिटो पुरा गरेर आवश्यक परेको छ भने सञ्चालनमा ल्याउन समेत आग्रह गनुैभयो । त्यसका साथै उहाँले स्थानीय प्रतिनिधि, विभिन्न संघसंस्था, सम्बन्धित निर्माण निर्माण कम्पनी, नेपाली सेना तथा अन्य सुरक्षा निकायसंग आवश्यक समन्वय तथा सहकार्य गरेर अगाडी बढ्न पनि सुझाव दिनुभयो ।
होल्डिंग सेन्टरसम्मको सडक निर्माण र मर्मत सम्भारका लागि पनि उपरथि श्रेष्ठले स्थानीय निकायलाई सो अवसरमा सचेत गराउनुभयो ।
होल्डिंग सेन्टरको निरिक्षणका अवसरमा नेपाली सेनाका श्री नम्बर ४ बाहिनी अड्डाका बाहिनीपति सहायक रथि हरेन्द्र पाठक, बाँकेका प्रमुख जिल्ला अधिकारी सुर्य बहादुर खत्री, नेपाली सेनाको भैरव प्रसाद गणका गणपति प्रमुख सेनानी जनमत बहादुर कार्की, जिल्ला प्रशासन कार्यालय बाँकेका प्रशासकीय अधिकृत राम कुमार सोनकर, बाँकेका कोरोना फोकल पर्सन तेज ओली, लगायत विभिन्न सुरक्षा निकायका प्रमुख र स्थानीय जनप्रतिनिधीको सहभागिता रहेको थियो ।

यो खबर पढेर तपाईलाई कस्तो महसुस भयो ?
+1
1
+1
0
+1
0
+1
0
+1
0
+1
0
+1
1

Leave a Reply

Your email address will not be published. Required fields are marked *