१४ जेष्ठ २०८१, सोमबार

बी ग्रुपद्धारा कबाडी मालसामान संघलाई कार्यालय खोल्न दुई लाख बढीको सहयोग

बी ग्रुपद्धारा कबाडी मालसामान संघलाई कार्यालय खोल्न दुई लाख बढीको सहयोग

नेपालगञ्जपाटी समाचार
नेपालगञ्ज, असोज १५ गते । बी ग्रुपले बाँके कबाडी मालसामान व्यवसायी संघलाई नेपालगञ्जमा कार्यालय सञ्चालनका लागि दुई लाख भन्दा बढीको आवश्यक सामाग्री प्रदान गरेको छ ।
एमडीएम फ्रान्स र जीआइजेड नेपालको सहयोगमा बि ग्रुपद्धारा सञ्चालित पेशागत तथा वातावरणीय स्वास्थ्य सहयोग परियोजना अन्तर्गत कबाडी मालसामान संघलाई कार्यालय स्थापना र सञ्चालनका लागि सो सहयोग प्रदान गरिएको हो ।
पेशागत तथा वातावरणीय स्वास्थ्य सहयोग परियोजनाको आर्थिक र प्राविधिक सहयोगमा स्थापना गरिएको बाँके कबाडी मालसामान व्यवसायी संघलाई कार्यालय सञ्चालनका लागि दुई लाख पाँच हजार रुपियाँ बराबरका विभिन्न सामाग्री हस्तान्तरण गरिएको परियोजनाका व्यवसाय विकास अधिकृत समद सिद्दिकीले बताउनुभयो ।
कार्यालय स्थापनाका लागि प्रदान गरिएका सामाग्रीहरु बी ग्रुपका अध्यक्ष टेक बहादुर पुनले बाँके कबाडी मालसामान व्यवसायी संघका अध्यक्ष मोहम्मद उमर हलवाईलाई हस्तान्तरण गर्नुभयो ।


सो अवसरमा बि ग्रुपका अध्यक्ष पुनले यो सहयोगबाट राम्रोसंग कार्यालय सञ्चालन गरेर संघलाई बलियो र सुदृढ बनाई पेशागत हकहितका लागि सक्रिय रहन आग्रह गर्नुभयो ।
कार्यालय सञ्चालनका लागि आवश्यक सामाग्रीहरु पाएपछि खुशी हुँदै संघका अध्यक्ष हलवाईले संस्थाप्रति आभार प्रकट गर्दै अब संघको कार्यालय राम्ररी सञ्चालन हुने बताउनुभयो ।
बी ग्रुपले संघलाई प्रदान गरेको सामाग्रीहरुमा २ थान अफिस टेबल, २ थान घुम्ने कुर्सि, १२ वटा प्लाष्टिक कुर्सि, १० मिटर कार्पेट, १ थान डेस्क टप कम्प्युटर, १ थान थ्री इन वन प्रिन्टर र स्क्यानर, एउटा कम्प्युटर टेबल, २ वटा सिलिंग पंखा, एउटा मल्टिप्लग, एउटा पाँच फिट फायल रैक, २ थान फायल ट्रे, ७ हजार ५ सय रुपियाँ बराबरको स्टेशनरी सामान, एक वर्षका लागि वाईफाई जडान, एक थान पानी डिस्पेन्सर, एउटा बाल्टी र जग ग्लास रहेको व्यवसाय विकास अधिकृत सिद्दिकीले बताउनुभयो ।
यसअघि सोही परियोजना अन्तर्गत उपमहानगरका सरसफाई कर्मचारी र कबाड मालसामान संकलनमा संलग्न कर्मचारीलाई टी डी खोप पनि लगाईएको थियो ।


Deprecated: Function wp_img_tag_add_loading_attr is deprecated since version 6.3.0! Use wp_img_tag_add_loading_optimization_attrs() instead. in /home/nepalgun/public_html/wp-includes/functions.php on line 6078

Deprecated: Function wp_get_loading_attr_default is deprecated since version 6.3.0! Use wp_get_loading_optimization_attributes() instead. in /home/nepalgun/public_html/wp-includes/functions.php on line 6078

Deprecated: Function wp_img_tag_add_loading_attr is deprecated since version 6.3.0! Use wp_img_tag_add_loading_optimization_attrs() instead. in /home/nepalgun/public_html/wp-includes/functions.php on line 6078

Deprecated: Function wp_get_loading_attr_default is deprecated since version 6.3.0! Use wp_get_loading_optimization_attributes() instead. in /home/nepalgun/public_html/wp-includes/functions.php on line 6078
यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

Leave a Reply

Your email address will not be published. Required fields are marked *