नेपालगञ्जपाटी समाचार
नेपालगञ्ज, पुस ५ । स्थानिय तहमा जनप्रतिनिधि आएपछि स्थानिय निकायमा रहेका वडाहरुको विकास निर्माण कार्यले गति लिएको स्थानियहरुले बताएका छन् । ठाकुरबाबा नगरपालिका वडा नं ४ बर्दियाका स्थानिय जनताले स्थानिय तहमा जनप्रतिनिधि आएपछि गाउँ टोलमा धेरै सुधार आएको बताउँछन् ।
वडामा भएको विकासले स्थानियवासीमा खुसी छाएको स्थानिय टेक बहादुर साउदले बताउनुभयो । वडामा जनप्रतिनिधि आएपछि वडामा झिलिमिली भएको जनाउँदै उहाँले सोचे र चाहे अनुसारको काम पनि समयमै हुने गरेको बताउनुभयो ।
पहिले सानो सानो कामको लागि पनि सदरमुकाम धाउनुपर्ने हुन्थ्यो अहिले आफ्नै वडामा सुविधा उपलब्ध भएकोले समयको समेत बचत भएको अर्का स्थानिय पदम जैसीले बताउनुभयो ।
ठाकुरबाबा नगरपालिका वडा नं ४ बर्दियाका वडा अध्यक्ष शेर बहादुर चौधरी नगरकै पहिलो वडा कार्यालय निर्माण गर्न सफल हुनुभएको छ । करिब ५५ लाखको लागतमा वडा नं ४ को वडा कार्यालय निर्माण गरिएको छ । वडामा काम गरेको हौसला स्थानियले दिएपछि गर्व महसुस भएको वडा अध्यक्ष चौधरीले बताउनुभयो । वडाका जनप्रतिनिधी लगनशिल र मिलनसार भएको कारण काम गर्ने वातावरण सहज भएको उहाँले बताउनुभयो ।
वडाले ४ नं वडा कार्यालयसम्म जाने ग्राभेल बाटो, वडा भित्र पर्ने कल्भर्टका लागि हेमपाइप जडान, बर्गदा र बाउनपुर जोडिने पुल निर्माण, विजुली बत्ति जडान, सडक विस्तारको कार्य सम्पन्न गरेको वडा अध्यक्ष चौधरीले बताउनुभयो ।
वडाले स्वास्थ्य सामाग्री, युवाहरुलाई खेलकुद सामाग्री, कृषि, शिक्षा लगायतका विभिन्न क्षेत्रमा सहयोग गर्दै आएको वडा अध्यक्ष चौधरीले बताउनुभयो । जेष्ठ नागरिकका लागि कम्बल वितरण, अपाङगता भएका व्यक्तिहरुलाई फाइबर सिरक वितरण, गुरुवा तथा बडघरका लागि साइकल वितरण लगायतका विभिन्न सामाग्री वडावासीलाई प्रदान गरिएको उहाँको भनाई छ ।
गत चार वर्षको अवधीमा वडा नं ४ मा ३ वटा मन्दिर निर्माण, विद्यालयलाई व्यवस्थापन खर्च सहयोग, स्वास्थ्य चौकीलाई स्वास्थ्य सामाग्री, खोप केन्द्र निर्माण, बाउनपुर र मिर्चैयासम्म जोड्ने ३ किलो मिटर सडक निर्माण, बबई शिशुमाविलाई ४ लाख बढि सहयोग, गाउँ टोल सुधार कार्यक्रमलाई व्यवस्थित गर्न ५० हजार व्यवस्थापन खर्च सहयोग, देउता राख्नको लागि सहयोग प्रदान, मुक्त कमैया र सुकुम्बासीलाई १ लाख २५ हजारको सहयोग, दलित समुदायका लागि बाख्रा पालनका लागि १ लाख बजेट सहयोग, कमलरीहरुका लागि बाख्रा पालन, शहिद वेपत्ता परिवारलाई सहयोग, स्वास्थ्य स्वयमेविकालाई दराज र साइकल उपलब्ध, आमा समुहलाई ४० हजार बराबरको सहयोग, बालवालिका स्वास्थ्यकोष निर्माण मार्फत सहयोग प्रदान, हात्ती रोक्न पर्खाल निर्माणका लागि सहयोग, गुरुवा र सोह्निीयालाई मोबाईल उपलब्ध गराएको वडाले जनाएको छ ।
Deprecated: Function wp_img_tag_add_loading_attr is deprecated since version 6.3.0! Use wp_img_tag_add_loading_optimization_attrs() instead. in /home/nepalgun/public_html/wp-includes/functions.php on line 6078
Deprecated: Function wp_get_loading_attr_default is deprecated since version 6.3.0! Use wp_get_loading_optimization_attributes() instead. in /home/nepalgun/public_html/wp-includes/functions.php on line 6078
Deprecated: Function wp_img_tag_add_loading_attr is deprecated since version 6.3.0! Use wp_img_tag_add_loading_optimization_attrs() instead. in /home/nepalgun/public_html/wp-includes/functions.php on line 6078
Deprecated: Function wp_get_loading_attr_default is deprecated since version 6.3.0! Use wp_get_loading_optimization_attributes() instead. in /home/nepalgun/public_html/wp-includes/functions.php on line 6078
