समाचारदाता
नेपालगञ्ज, कात्तिक ६ । पुर्वमन्त्री मोहम्मद ईश्तियाक राईलाई समर्थन गर्दै उहाँलाई विजयी बनाउन विभिन्न दलहरु परित्याग गरि जनता समाजवादी पार्टीमा प्रवेश गर्ने क्रम निरन्तर जारी छ ।
माओवादी र काँग्रेसबाट धेरैजना नेता कार्यकर्ताले जसपा प्रवेश गरिरहेकै बेला शनिवार एमालेबाट वडा नम्बर ३ का वडा अध्यक्षका उम्मेदवार नफिस अन्सारी र एमालेका पुराना नेता लतिफ अन्सारीसहित दर्जनौ नेता कार्यकर्ताले जसपामा प्रवेश गरेका छन् ।
सोही प्रकारले नेपाली काँग्रेस परित्याग गरेर उबेद कुरेशी र राप्रपा परित्याग गरेर सिखर ईराकीले पनि जसपामा प्रवेश गरेका छन् ।
हालै सम्पन्न स्थानीय तहको निर्वाचनमा वडा नम्बर ३ को वडा अध्यक्षमा उम्मेदवार बनेर थोडै मतको अन्तरले पराजित भै दोस्रो स्थानमा रहनु भएका नफिस र एमालेका पुराना नेता लतिफसहित काँग्रेसका उबेद र राप्रपाका सिखर लगायतलाई पुर्वमन्त्री राईले पार्टी प्रवेश गराए ।
सो अवसरमा राईले दिनदिनै जसपामा विभिन्न धर्म, समुदाय, बर्ग र क्षेत्रका महत्वपुर्ण व्यक्तिहरुले प्रवेश गरिरहेको हुँदा निर्वाचन एकपक्षीय हुने बताउनुभयो ।
पुर्वमन्त्री राईले बाँके क्षेत्र नम्बर २ का जनताका लागि गरेको बिकास निर्माणको कामबाट प्रभावित भएरनै आफुहरु जसपामा सामेल भै फेरी पनि राईलाई नै सांसदको जिम्मेवारी सुम्पने उदेश्य लिएको बताए ।
बाँकेका लागि राईजस्ता नेताको अतिनै आवश्यकता रहेको महसुस गरेर नै आफु लगायत धेरै नेता कार्यकर्ताले राईलाई समर्थन गर्न अगाडी बढेको प्रवेश गर्नेहरुले बताएका छन् ।
यसअघि शुक्रवार मात्रै नेपालगञ्ज उद्योग वाणिज्य संघका पुर्व महासचिव तथा सम्मानित व्यक्तित्व अजय टन्डनले जसपामा प्रवेश गर्नुभएको थियो भने केही दिन पहिले मात्र माओवादीबाट केन्द्रिय र प्रदेश सदस्यसहित दर्जनौ नेता कार्यकर्ता जसपामा सामेल भएका थिए ।
सोही प्रकारले काँग्रेस, राप्रपाका धेरै नेता कार्यकर्ताले पनि विभिन्न वडामा पार्टी प्रवेश गरेको जनता समाजवादी पार्टी बाँकेले जनाएको छ ।
जसपाको बृहत्त कार्यकर्ता भेला
यसैविच जनता समाजवादी पार्टीले क्षेत्र नम्बर २ को बृहत्त कार्यकर्ता भेला शनिवार आयोजना गरेको छ । करिब दुई हजार नेता कार्यकर्ताको सहभागिता रहेको सो कार्यकर्ता भेलामा पुर्वमन्त्री राई लगायतका वरिष्ठ नेताहरुले प्रशिक्षण दिएका थिए ।
सो भेलामा सहभागि अधिकांश कार्यकर्ता निकै उत्साहति देखिएका थिए । उनिहरुले निर्वाचन हुनुभन्दा पहिलेनै पुर्वमन्त्री राईको जित भैसकेको देखिने माहोल चारैतिर बनिसकेको बताएका थिए ।
भेलालाई सम्बोधन गर्दै पुर्वमन्त्री राईले बिकास र भ्रष्टाचारका विषयमा बहस र छलफल गर्न विपक्षीहरुलाई चुनौती दिंदै विगतमा विभिन्न पदमा बसेकाले नेपालगञ्ज र वरिपरिका क्षेत्रको के काम गरे र ईश्तियाक राईले के काम गरे ? सो प्रश्न मत माग्न आउनेसंग सोध्न र तीनलाई जानकारी गराउन कार्यकर्तासंग आग्रह गरे ।
उनले जनताको समर्थन र सहयोग देखेर अन्य पार्टीका उम्मेदवार आत्तिएर अनापसनाप बोल्न थालेको पनि बताए । भेलामा हरेक वडाबाट हरेक धर्म सम्प्रदाय र वर्गका नेता कार्यकर्ताको उपस्थिति रहेको थियो ।
Deprecated: Function wp_img_tag_add_loading_attr is deprecated since version 6.3.0! Use wp_img_tag_add_loading_optimization_attrs() instead. in /home/nepalgun/public_html/wp-includes/functions.php on line 6078
Deprecated: Function wp_get_loading_attr_default is deprecated since version 6.3.0! Use wp_get_loading_optimization_attributes() instead. in /home/nepalgun/public_html/wp-includes/functions.php on line 6078
Deprecated: Function wp_img_tag_add_loading_attr is deprecated since version 6.3.0! Use wp_img_tag_add_loading_optimization_attrs() instead. in /home/nepalgun/public_html/wp-includes/functions.php on line 6078
Deprecated: Function wp_get_loading_attr_default is deprecated since version 6.3.0! Use wp_get_loading_optimization_attributes() instead. in /home/nepalgun/public_html/wp-includes/functions.php on line 6078
