१९ मंसिर २०७९, सोमबार

नवौ राष्टिय खेलकुदमा आर्मीको टोली ६१ स्वर्णसहित शिर्ष स्थानमा, दोस्रोमा एपिएफ र तेस्रोमा पुलिस क्लब

नवौ राष्टिय खेलकुदमा आर्मीको टोली ६१ स्वर्णसहित शिर्ष स्थानमा, दोस्रोमा एपिएफ र तेस्रोमा पुलिस क्लब

समाचारदाता
पोखरा, कात्तिक १ । गण्डकी प्रदेशमा जारी नवौँ राष्ट्रिय खेलकुदको शीर्ष स्थान नेपाली सेनाको त्रिभुवन आर्मी क्लब रहेको छ ।आर्मी ६१ स्वर्णसहित शीर्ष स्थानमा रहेको हो । कुल एक सय ३९ स्वर्ण पदकको टुङ्गो लाग्दा आर्मीले ३९ रजत र २८ कास्यसहित कुल एक सय २८ पदक प्राप्त गरेको छ ।
विभगिय टोली एपिएफ क्लबले २३ स्वर्ण, १७ रजत र १५ कास्यका साथ कुल ६५ पदक प्राप्त गर्दै दोस्रो र नेपाल प्रहरीको पुलिस क्लबले १५ स्वर्ण, २५ रजत र ३३ कास्यसहित कुल ७४ पदक प्राप्त गर्दै तेस्रो स्थानमा रहेका छन ।


यसैगरी बागमती, गण्डकी र एनआरएनए क्रमशः चौथो, पाँचौँ र छैटौँ स्थानमा छन् । बागमती प्रदेशले १४ स्वर्ण, २२ रजत र २३ कास्यसहित कुल ५९ पदक प्राप्त गरेको छ । गण्डकी प्रदेशले १० स्वर्ण, आठ रजत र २० कास्यसहित कुल ३८ पदक प्राप्त गरेको छ । गैर आवासीय नेपाली सङ्घ एनआरएनएले छ स्वर्ण, छ रजत र चार कास्यसहित कुल १६ पदक हासिल गरेको छ ।
यस्तै प्रदेश नं १ सातौँ, मधेश प्रदेश आठौँ, सुदूरपश्चिम प्रदेश नवौँ, लुम्बिनी प्रदेश १०औँ तथा कर्णाली प्रदेश पदक तालिकाको ११औँ स्थानमा छन् । प्रदेश १ ले हालसम्म तीन स्वर्ण, आठ रजत र २१ कास्यसहित कुल ३२ पदक पाएको छ ।
मधेशले दुई स्वर्ण, तीन रजत र सात कास्यसहित कुल १२ पदक, सुदूरपश्चिमले दुई स्वर्ण, एक रजत र ११ कास्यसहित कुल १४, लुम्बिनीले एक स्वर्ण, नौ रजत र १२ कास्यसहित कुल २२ तथा कर्णाली प्रदेशले एक स्वर्ण, एक रजत र दुई कास्यसहित कुल चार पदक प्राप्त गरेको छ ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

Leave a Reply

Your email address will not be published. Required fields are marked *