कोहलपुर १४ नम्बर वडा कार्यालयद्धारा एम्बुलेन्सका लागि देउसी भैलो टोलीलाई एक लाख सहयोग

नेपालगञ्जपाटी समाचार
नेपालगञ्ज, १९ कात्तिक । कोहलपुर नगरपालिका वडा नम्बर १४ का युवाले देउसी र भैलोबाट उठेको रकम सामाजिक कार्यमा खर्च गर्ने निर्णय गरेर देउसी भैलो खेलिरहेका छन् ।
समाज सेवा संस्था नेपालले आफनो नेपाली संस्कृति जगेर्ण गर्दै एम्बुलेन्सका लागि देउसी भैलो खेलेको जनाएको छ । पहिलो दिन लक्ष्मी पुजाको अवसर पारेर कोहलपुर नगरपालिका वडा नं १४ वडा कार्यालयबाट आफनो देउसी भैलो कार्यक्रम शुरु गरेका उनिहरुले यस पटक एम्बुलेन्सका लागि भैलो खेलिरहेको जनाएका छन् ।
सो देउसी भैलो कार्यक्रम वडा नं १४ का वडा अध्यक्ष टेक चन्द्र हरिजनले ब्यानर वाचन गरि उदघाटन गर्नु भएको थियो । उद्घाटन गर्नु हुदै हरिजनले सामाजिक कार्यमा सदैव लागि रहन शुभकामना ब्यक्त गर्नुभयो र एम्बुलेन्स खरिद गर्नको लागि भैली टिमलाई वडा कार्यालयबाट १ लाख रुपियाँ दिने घोषणा समेत गर्नुभएको छ । संस्थाका सल्लाहकार मन बहादुर गुरुङ्गले सामाजिक सेवामा निरन्तर अगाडि बढ्न सल्लाह दिनुभयो ।
संस्थाको पाचौ अधिवेशनमा सो संस्थाले घाटिको क्यान्सर पीडित मोतिलाल परियारलाई ६० हजार बढी आर्थिक सहयोग हस्तान्तरण पनि गरि सकेको छ । संस्थाले बाँके जिल्लामा सचेतनामुलक कार्यक्रम सन्चालन गर्दै आईरहेको संस्थाका अध्यक्ष बिनोद थापाले जानकारी दिनुभयो ।