समाचारदाता
नेपालगन्ज, फागुन ५ । बाँके क्षेत्र नं २ प्रतिनिधि सभा सदस्य पदका उम्मेदवार दिपेन्द्र बिष्टले मंगलबार नेपालगन्जका विभिन्न वडामा मत माग्र्दै घरदैलो अभियान सञ्चालन गर्नुभयो। ज्ञानपुर्वा, पोतेपुर्वा, माइगाउँ, थपुवा, नेपालगन्ज २० र ४ का बस्तीहरूमा पुगेर उहाँले प्रत्यक्ष रूपमा स्थानीय बासिन्दासँग मत माग्नुभयो।
उहाँले आफ्नो चुनावी एजेन्डा स्पष्ट गर्दै भन्नुभयो, “भ्रष्टाचारविरुद्ध युवालाई साथ लिएर म सधैं जनताको पक्षमा आवाज उठाउने छु। गाउँ समाजसँग जोडिएका सबै समस्या समाधान गर्न मेरो प्रतिबद्धता अडिग छ।” यस क्रममा स्थानीय मतदाताले उम्मेदवार बिष्टको चुनाव चिन्ह तारामा मतदान गर्ने बाचा पनि व्यक्त गरेका छन्। भेटघाटका क्रममा बिष्टले घरघर पुगेर सर्वसाधारणका सुझाव सुन्नुका साथै सुकुम्बासी, पूर्वाधार, स्वास्थ्य, शिक्षा र बाढी व्यवस्थापन जस्ता क्षेत्रका मुद्दाहरूमा तत्काल सुधारका उपायहरू कार्यान्वयन गर्ने प्रतिबद्धता व्यक्त गर्नुभयो। स्थानीयले पनि उत्साहपूर्वक उहाँको सकारात्मक दृष्टिकोण र मिलनसार व्यवहारको सराहना गरे।
राजनीतिक विश्लेषकहरूको विचारमा, दिपेन्द्र बिष्टको घरदैलो अभियान र प्रत्यक्ष संवादले मतदातामा विश्वास निर्माण गरेको छ। “उहाँले जनताको कुरा सुनेर प्रत्यक्ष कदम चाल्ने जनभावना देखाउनु भएको छ, जसले आगामी निर्वाचनमा उनको पक्ष बलियो बनाउनेछ,” एक स्थानीय विश्लेषकले बताए। यसरी, बाँके क्षेत्र नं २ मा दिपेन्द्र बिष्टको अभियान केवल प्रचारप्रसारमा सीमित नरही, जनताको विश्वास र सहभागितामा आधारित देखिन थालेको छ। नेपालगन्ज र डुडुवाका गल्ली, टोल, बस्तीमा निरन्तर जारी घरदैलो कार्यक्रमले उहाँलाई तारामय उम्मेदवारका रूपमा स्थापित गरेको छ, जसले चुनावी नतिजामा निर्णायक भूमिका खेल्ने सम्भावना देखाएको छ ।
नेकपा माओवादी हुँदै नेपाली कम्युनिष्ट पार्टी बनेको नेकपाले बाँकेको क्षेत्र नम्बर २ मा विष्टका रुपमा एक शसक्त उदाउँदो नेता पाएको स्थानीयको प्रतिक्रिया रहेको छ । दामोदर आचार्यपछि जनतामा बिश्वास जगाउने नेताको खडेरी परेको यो क्षेत्रमा विष्ट एक शसक्त र जनप्रिय नेताका रुपमा उभरेका छन् ।
