समाचारदाता
नेपालगन्ज, मङ्सिर ११ । पेशागत तथा वातावारणीय स्वास्थ्य सहयोग परियोजना अन्तर्गत प्रांगारिक तरकारी उत्पादन प्रबर्धनकालागि नेपालगन्जमा सञ्चालन गरिएको ६ दिने अभियान सम्पन्न भएको छ ।
एम.डी.एम.फ्रान्स र ए.एफ.डि.को आर्थीक सहयोगमा भेरी वातावरणीय विशिष्टता समूह बी ग्रुपले सञ्चालन गरेको पेशागत तथा वातावारणीय स्वास्थ्य सहयोग परियोजना अन्तर्गत नेपालगन्जको राँझा विमानस्थल रोडमा विषादीरहित, ताजा र प्रयोगशालामा परीक्षण गरिएका प्रांगारिक तरकारी बिक्रि गरेर सो अभियान चलाईएको थियो ।
श्री साथि स्वावलम्बन बहुउद्धेश्यीय कृषि सहकारीमार्फत एकीकृत प्रांगारिक तरकारी संकलन तथा बिक्रि केन्द्रमा सञ्चालन गरिएको उक्त अभियान निकै प्रभावकारी देखिएकोले सो कार्यलाई निरन्तरता दिने सहकारीका अध्यक्ष खेदु चमारले बताउनुभयो ।
उहाँले यस क्षेत्रका किसानले उत्पादन गरेका विषादीरहित, ताजा र प्रयोगशालामा परीक्षण गरिएका प्रांगारिक तरकारीको विक्रि राम्रो भएकोले यसलाई निरन्तरता दिने बताउनुभयो ।
अहिले बिषादीरहित आर्गेनिक तरकारीको माग बढ्दै गएको जनाउँदै यसलाई बिस्तार गर्दै जाने र उत्पादनमा पनि सहयोग गर्ने नेपालगन्ज वडा नम्बर २० का वडा अध्यक्ष कौशल कुमार धोबीले बताउनुभयो ।
उहाँले यो अभियान अतिनै राम्रो गरि सम्पन्न भएको जनाउँदै यसलाई निरन्तरता दिन वडाले पनि हर प्रकारको सहयोग गर्ने बताउनुभयो ।
स्थानीय किसानले घरघरघमा उत्पादन गरेको आर्गेनिक तरकारीको ल्याब जांच गराई सुरक्षित तरकारी बिक्रिका लागि राँझा विमानस्थल रोडमा रहेको एकीकृत प्रांगारिक तरकारी संकलन तथा बिक्रि केन्द्रमा ल्याउने गरेका छन् ।
पेशागत तथा वातावारणीय स्वास्थ्य सहयोग परियोजनाले सन् २०२२ देखि कृषि क्षेत्रमा कृषकहरुको स्वास्थ्य र प्रांगारिक तरकारी प्रबर्धनमा विभिन्न क्रियाकलापहरु गर्दै आईरहेको छ ।
परियोजनाले तयार पारेको ३०० जना भन्दा बढी कृषकहले एकीकृत शत्रु जीव व्यवस्थापन प्रणालीलाई अभ्यास गरि बिषादी जांच परिक्षण पास गराई आर्गेनिक तरकारी बिक्रि हुन थालेपछि सो खरिदमा स्थानीयको चासो पनि बढेदै गएको पाईएको छ ।
राँझा र नेपालगन्जका स्थानीयले पनि बिषादीरहित तरकारी उत्पादन र विक्रिलाई निरन्तरता दिन माग गरेका छन् ।