नेपालगञ्जपाटी समाचार
नेपालगञ्ज, १९ कात्तिक । यातायात व्यवस्था विभागले डिजिटल प्रविधियुक्त इम्बोस्ड नम्बर प्लेट देशभरका सबै सवारी साधनमा अनिवार्य गर्न थालेको छ।
यसका लागि विभागले साढे दुइ वर्षमा सबै सवारी साधनमा इम्बोस्ड नम्बर प्लेट जडान गरिसक्ने योजना बनाएको छ। विभागले करिब ३० लाख सवारी साधनमा जडान गर्ने योजना बनाएको जनाईएको छ ।
पहिलो चरणमा प्रदेश १ र २ बाहेकका पाँच प्रदेशमा आगामी मंसिरबाट दर्ता हुने सबै खालका सवारीमा अनिवार्यरूपमा इम्बोस्ड नम्बर प्लेट जडान गरिनुपर्नेछ ।
फागुन १ गतेबाट नामसारी गरिने सबै सवारी साधनमा र जेठबाट नवीकरण गर्ने सवारीसाधनहरुले पनि सो नम्बर प्लेट राख्नुपर्नेछ।
विभागका अनुसार अहिलेसम्म करिब ८ हजार सवारी साधनमा इम्बोस्ड नम्बर प्लेट जडान भइसकेको छ।
इम्बोस्ड नम्बर प्लेट लागू गरिएपछि भारतीय जस्तै देखिएको, नेपाली भाषामा नभएको र ठूलो आर्थिक चलखेल भएकाले रोक लगाउन मा...
नेपालगञ्जपाटी समाचार
नेपालगञ्ज, १९ कात्तिक । सावधानी नअपनाउँदा लक्ष्मी पुजा गर्ने क्रममा नेपालगञ्जको धम्बोझीमा विहिबार राती आगलागी भएको छ । दियो बाल्ने क्रममा गरिएको बेवास्ता र लापरवाहीले गर्दा नेपालगन्ज–१ धम्बोझीस्थित शिव मन्दिर नजिक रहेको चन्दा काँदुको घरमा राती साढे नौ बजे आगलागी भएको हो ।
प्रहरीले दिएको जानकारी अनुसार काँदुको एक तले पक्की घरमा आगलागी हुँदा करिव एक लाख जति नगद र पाँच लाख रुपैयाँ बराबरको धनमाल क्षति भएको छ । काँदुको घरमा डेरा गरी बस्ने आदित्य वर्नवालले लक्ष्मी पूजा गर्न बालेको दियोबाट आगलागी सुरु भएको जिल्ला प्रहरी कार्यालय बाँकेका प्रवक्ता डीएसपी मधुसुदन न्यौपानेले बताउनुभयो । उहाँले प्रहरीले पटक पटक होसियार भएर पर्व मनाउन आग्रह गरेपनि बेवास्ता गरिएपछि क्षति व्यहोर्नु परेको जनाउनुभयो ।
लक्ष्मी पुजा गर्ने क्रममा आगलागी भएपछि तत्कालै दमकल र प्रहरी पुगेर आगो निभाईएको थि...
नेपालगञ्जपाटी समाचार
नेपालगञ्ज, १८ कात्तिक । बेमौसमको वर्षाले गर्दा आएको बाढीबाट अत्याधिक प्रभावित भएका बर्दिया राजापुर नगरपालिका वडा नम्बर १ का २५ जना महिलाले लक्ष्मीपुजाकै दिन विहिबार डिगनिटी किट पाएका छन् ।
बाँके युनेस्को क्लबले स्टार्ट नेटवर्कको सहयोग र प्लान नेपालको सहकार्यमा सञ्चालन गरेको आपतकालिन बाढी प्रतिकार्य परियोजना अन्तर्गत बाढीबाट अति प्रभावित ती महिलाले राहात स्वरुप डिगनिटी किट पाएका हुन् ।
वडा नम्बर १ मा आयोजित एक कार्यक्रममा सो वडाका वडा अध्यक्ष खुशीराम थारु, बाँके युनेस्को क्लबका मुख्य संरक्षक प्रवेज अली सिद्दिकी र कार्यकारी निर्देशक रवि तुलाधर लगायतले उक्त किट प्रभावितलाई वितरण गर्नुभयो ।
वितरण गरिएको डिगनिटी किट व्यागमा स्यानटरी कपडा ४ पिस, तल्लो भित्रि वस्त्र २ वटा, म्याक्सी १, टी शर्ट १, धोती सारी १, स्वेटर १, ऊनी सल १, तौलिया १, टर्च लाईट १, लुगा धुने साबुन १...
सिराज खान
नेपालगञ्ज, कात्तिक १८ गते । अम्बे समूहले बाँकेमा एक अर्ब २५ करोडको लगानीमा आफ्नै बिलेट उद्योग सञ्चालनमा ल्याउन थालेको छ ।
जिल्लाको जानकी गाउँपालिकाको गनापुरमा आगामी तीन महिनाभित्र सो उद्योग सञ्चालन गर्ने गरि तयारी अन्तिम चरणमा पुगेको अम्बे समूहको बाँकेस्थित उद्योगका व्यवस्थापक अनुज श्रेष्ठले बताउनुभयो ।
दुई वर्ष अघि तीन अर्ब रुपियाँको लगानीमा गनापुरमै सो समूहले जय अम्बे डन्डी उद्योग सञ्चालनमा ल्याएको थियो ।
१६ विघामा फैलिएको जय अम्बे स्टील उद्योगभित्र बिलेट युनिट स्थापना गरिएको जनाउँदै सो उद्योग सञ्चालनमा आएपछि भारतबाट आयात गरिने बिलेटको आयात बन्द हुने व्यवस्थापक श्रेष्ठले बताउनुभयो ।
विलेट उद्योग स्थापनाको प्रक्रिया थालेको १० महिना भइसकेको जनाउँदै उहाँले ढिलोमा तीन महिनाभित्र बिलेट उत्पादन शुरु गरिने तयारी रहेको बताउनुभयो ।
यो उद्योगबाट दैनिक ७५० टन बिलेट उत्पादन हुने ...
जयसिंह महरा
काठमाण्डौ, १८ कात्तिक । पुर्वमन्त्री तथा जनता समाजवादी पार्टीका प्रभावशाली नेता मोहम्मद ईशितयाक राईले प्रधानन्यायाधीशले नैतिकताको आधारमा राजीनामा गर्न मान्नुभएन भने प्रतिपक्षले महाभियोगको प्रस्ताव संसद्मा ल्याउनुपर्ने बताउनु भएको छ। उहाँले प्रधानन्यायाधीशले न्यायालयको मानमर्दन हुनेगरी आचरणविपरीत कार्य गर्नुभएको जनाउँदै प्रधानन्यायाधीश पदमा पुगेपछि जे पनि बार्गेनिङ गर्न पाइन्छ भन्ने भइरहेकोले त्यो असतनै गम्भीर विषय हो भन्नुभयो।
यसले देशलाई नै खाडलमा पुर्याउँने हुँदा प्रधानन्यायाधिशले तुरुन्त राजीनामा दिनुपर्ने कुरामा पुर्वमन्त्री राईले जोड दिनुभयो ।
‘प्रतिपक्षले महाभियोग प्रस्ताव ल्याएमा म व्यक्तिगत रूपमा संसद्मा त्यो प्रस्तावको पक्षमा मत जाहेर गर्छु । यस्तो आचरणविपरीत कामको पक्षमा उभिन्न । महाभियोग ल्याउनका लागि म व्यक्ति सांसद वा मेरो पार्टीले मात्रै पहल गरेर केही हुनेवाला...
नेपालगञ्जपाटी समाचार
नेपालगञ्ज, १८ कात्तिक । घोडा, खच्चर, गाई लगायतका छाडा चौपायाले नेपालगञ्जका विभिन्न सडक र चोकमा बस्ने र जम्मा हुने गर्दा आवागमन गर्नेलाई निकै सास्ती भोग्नु परेको छ ।
सहरका अधिकांश मुख्य चोक र सडकमा छाडा घोडा, खच्चर र गाईको समुहको बाक्लो उपस्थितिले सडक दुर्घटनाका चुनौती थपिनुका साथै आवागमन गर्नेलाई समस्या भैरहेको छ ।
सहरको मुख्य चोक त्रिभुवन चोकमा सबैभन्दा बढी छाडा घोडा र खच्चरहरु जम्मा हुने गर्दा आवागमनमा पटक पटक अवरोध समेत हुने गरेको स्थानीय सम्पन्न पाण्डेले बताउनुभयो ।
उहाँले घोडा खच्चर पाल्नेहरुले दिनभरी आफ्ना चौपायालाई बजारमा छोड्ने गर्दा पटक पटक यस्ता समस्या आउने गरेकोमा उनिहरुलाई कारवाही हुनुपर्ने माग गर्नुभयो ।
घोडा, खच्चर र गाई जस्ता चौपाया पाल्नेहरुले अटेरी गरेकै कारण नगरका अधिकांश सडकमा उनिहरुको विगविगी भएर दिसा पिसाबबाट दुर्गन्ध र फोहर बढ्ने तथा दुर्घटना...
नेपालगञ्जपाटी समाचार
नेपालगञ्ज, १८ कात्तिक । यमपञ्चक अर्थात तिहारको तेस्रो दिन विहिबारसाँझ लक्ष्मीको पूजा आराधना गरी श्रद्धा भक्तिपूर्वक लक्ष्मीपूजा पर्व मनाइँदैछ । सफासुग्घर र लिपपोत गरिएको घरमा लक्ष्मीले बास गर्छिन् भन्ने मान्यता छ । यसै आधारमा आज बिहानै घर सफा सुग्घर र गाईको गोबर एवं रातोमाटोले लिपपोत गरी दीपावली गरेर लक्ष्मीलाई आमन्त्रण गरिन्छ । आज विशेषगरी घरका झ्याल, ढोका, चोटा, कोठा, सङ्घार, कौसी, अटाली र भर्याङलगायत स्थानमा सरसफाइ गरी दीपावली गरिन्छ ।
यस पर्वलाई दीपमाली पनि भनिन्छ । लक्ष्मी पूजा गरिने कार्तिक कृष्ण औँसीको रातलाई सुखरात्रि पनि भनिन्छ । वर्षभर मनाइने चार प्रमुख रात्रिमध्ये यो पनि एक हो । लक्ष्मी पूजाका लागि आज साँझ आँगनदेखि मूलढोका हुँदै लक्ष्मी स्थापना गरी पूजा गर्ने कोठासम्म गाईको गोबर र रातोमाटोले लिपपोत गरेर चामलको पीठो र अबीरले लक्ष्मीको पाइला बनाई लक्ष्मी आउन...
सिराज खान
नेपालगञ्ज, कात्तिक १७ गते । सीता एअरको जहाजमा तीनवटा बँदेल ठोक्किएपछि नेपालगञ्ज बिमानस्थलको धावनमार्गको वरिपरि रहेको झाडी र रुखहरु काट्ने काम शुरु गरिएको छ ।
बिमानस्थलको धावनमार्ग वरिपरि धेरै ठूला झाडी र घाँस रहेकोले त्यहाँ जंगली जनावरहरु आएर लुकेर बस्ने तथा बेला बेलामा जहाजसंग ठोक्किने गरेकोले बुधवारबाट झाडी काट्ने कार्य शुरु गरिएको बाँकेका प्रमुख जिल्ला अधिकारी सूर्यबहादुर खत्रीले जनाउनुभयो ।
मंगलवार विहान नेपालगञ्जबाट हुम्लाको सिमकोटका लागि उड्न लागेको सीता एयरको ‘ नाइन एन–एएचबी’ जहाजसँग तीन वटा बदेल एकैपटक ठोकिएका थिए ।
सो घट्नाबाट ठूलो दुर्घटना नभएपनि त्यस्तो घट्ना फेरि कुनै पनि बेला हुन सक्ने र ठूलो क्षति समेत हुन सक्ने हुँदा धावन मार्ग वरिपरि बढेको झाडी र बुट्यान हटाउने कार्य शुरु गरिएको प्रजिअ खत्रीले बताउनुभयो ।
विमानस्थलको धावनमार्ग वरिपरिको झाडी र बुट्यान हटाउ...
नेपालगञ्जपाटी समाचार
नेपालगञ्ज, १७ कात्तिक । नेपाल भारत नाकामा रहेको जमुनाह प्रहरीले पिप्रहवा गाउँबाट ५ लाख भन्दा बढीको सुर्ती बरामद गरेको छ । अवैध रुपमा नेपालबाट भारततर्फ पठाउँदै गरेको सो सुर्ति प्रहरीले बरामद गर्न सफल भएको हो ।
नेपालगञ्ज उपमहानगरपालिका–१५ पिप्रहवा गाउँबाट मंगलवार राती सुर्तीजन्य कच्चा पर्दाथ अबैध रुपमा चोरी निकासी गरेर नेपालबाट भारततर्फ पठाउदै गरेको सो सुर्ति प्रहरीको टोलीले बरामद गरेको हो ।
जमुनाहा प्रहरी प्रमुख सई मीन बहादुर बिष्टको कमाण्डमा खटिएको टोलीले नेपालबाट अवैधरुपमा भन्सार छलि भारततर्फ पठाउँदै गरेको ५ लाख २६ हजार रुपैयाँ बराबरको सुर्तीजन्य कच्चा पदार्थ बरामद गरेको छ ।
प्रहरी प्रमुख बिष्टको कमान्डमा खटिएको ६ जनाको टोलिले भन्सार छली गरेर नेपालबाट अवैध रुपमा भारत भित्रयाउँदै गरेको सुर्ति नियन्त्रणमा लिएको बाँके प्रहरीका प्रवक्ता डीएसपी मधुसुदन न्यौपानेले ब...
नेपालगञ्जपाटी समाचार
नेपालगञ्ज, १६ कात्तिक । दिपावली र तिहारका लागि ठुलो परिमाणमा विष्फोटक पदार्थ भारतबाट भित्रिएको पाईएको छ ।
त्यस्तो पदार्थ भित्रिने आशंकामा स्थानीय प्रशासनले विष्फोटक पदार्थहरुको आयातमा प्रतिवन्ध लगाएपनि दुई लाख भन्दा ठुलो परिमाणमा विष्फोटक पदार्थ पटाकाहरु प्रहरीले बरामद गरेपछि ती पदार्थ भित्रि रहेको पुष्टि भएको छ ।
अबैध रुपमा लुकाई छिपाई भारतबाट नेपाल तर्फ भित्रयाउने क्रममा जिल्ला प्रहरी बाँके तथा मातहतका प्रहरी ईकाईहरुले बरामद गरेको दुई लाख रुपियाँ भन्दा बढीको पटाकाहरु प्रहरीले मंगलवार अपरान्ह नष्ट गरेको छ ।
भारतबाट नेपालगञ्ज ल्याई रहेको बेला प्रहरीले नियन्त्रणमा लिएको दुई लाख बराबरको पटाकाहरु स्थानिय प्रतिनिधी र पत्रकार लगायतको रोहबरमा जिल्ला प्रहरी कार्यालय बाँकेको कम्पाउण्डमा नष्ट गरीएको बाँकेका प्रहरी प्रवक्ता डीएसपी मधुसुदन न्यौपानेले बताउनुभयो ।
उहाँले स...
