नेपालगन्जमा कुपोषण व्यवस्थापनसम्बन्धी तीनदिने प्रशिक्षक प्रशिक्षण तालिम सम्पन्न
समाचारदाता
नेपालगन्ज, चैत २९ । बाँके युनेस्को क्लबले नेपालगन्जमा संचालन गरेको कुपोषणको व्यवस्थापन सम्बन्धी तीनदिने प्रशिक्षक प्रशिक्षण तालिम सम्पन्न भएको छ ।
क्लबले हेलन केलर इन्टरनेशनल नेपालसँगको सहकार्य तथा स्वास्थ्य कार्यालय बाँकेको समन्वयमा बाँके जिल्लामा संचालनमा रहेको जिवनका लागि पोषण कार्यक्रम परियोजना अन्तर्गत सो तालिम नेपालगन्जमा संचालन गरिएको हो ।
सो तालिमको उद्देश्य सहभागीहरूको क्षमता अभिवृद्धि गरी कुपोषण व्यवस्थापन तथा गुणस्तरीय पोषण सेवा प्रवाहलाई प्रभावकारी बनाउनु रहेको क्लबले जनाएको छ । तालिममा कुपोषणको पहिचान, उपचार, प्रतिवेदन प्रणाली तथा सहजीकरण सीप विकासमा विशेष जोड दिइएको थियो ।
तालिमकोे उद्घाटन नेपालगन्ज उपमहानगरपालिकाका स्वास्थ्य महाशाखा प्रमुख राम बहादुर चन्दको अध्यक्षतामा सम्पन्न भएको थियो । कार्यक्रममा सपना परियारले सहभागीहरूलाई स्वागत गर्दै तालिम सफलताको शु...
