सीमावासीसंग सशस्त्र प्रहरी कार्यक्रम अन्तर्गत २८८ जनाको निशुल्क स्वास्थ्य परीक्षण
सिराज खान
नेपालगन्ज, पुस ६ गते । ‘सीमावासीसंग सशस्त्र प्रहरी कार्यक्रम’ अन्तर्गत बाँकेमा सशस्त्र प्रहरीले निशुल्क स्वास्थ्य शिविर आयोजना गरेर २८८ जना सीमावासीको स्वाथ्य परीक्षणसंगै औषधी बितरण गरेको छ । शिविरमा १५२ महिला र १३६ जना पुरुषको उपचार गरिएको थियो ।
सशस्त्र प्रहरी बल नेपाल नम्बर ३० गण हेडक्वाटर बागेश्वरी बाँकेले डुडुवा गाउँपालिकाको समन्वय तथा मध्यपश्चिम क्षेत्रीय सशत्र प्रहरी बल अस्पताल बाँकेको सहकार्यमा सीमाना नजिकको खडैचा पिप्रहवामा निशुल्क स्वास्थ्य शिविर सञ्चालन गरेको हो ।
सो शिविरमा २८८ जनाको निशुल्क उपचार गर्नुका साथै उनिहरुलाई बिभिन्न प्रकारका औषधीहरु पनि निशुल्क बितरण गरिएको सशस्त्र प्रहरी बल नेपाल नम्बर ३० गण हेडक्वाटर बागेश्वरी बाँकेका प्रमुख सशस्त्र प्रहरी उपरिक्षक बिमल डाँगीले बताउनुभयो ।
उहाँले सीमावासीको हरेक दुखसुखमा सहभागि हुने तथा उनिहरुसंग सम्बन्ध प्रग...
