बाँके युनेस्को क्लब र राधाकृष्ण जनसेवा केन्द्रको उच्चस्तरीय संयुक्त व्यवस्थापन बैठक
समाचारदाता
गुलरिया, बर्दिया साउन १३ । बाँके युनेस्को क्लब, राधाकृष्ण जनसेवा केन्द्र तथा प्लान इन्टरनेशनल नेपालको साझेदारीमा सञ्चालित परियोजनाअन्तर्गत उच्चस्तरीय संयुक्त व्यवस्थापन बैठक बर्दियाको गुलरियामा सम्पन्न भएको छ ।
बैठकको संयुक्त अध्यक्षता राधाकृष्ण जनसेवा केन्द्रका अध्यक्ष दिनेश श्रेष्ठ तथा बाँके युनेस्को क्लबका अध्यक्ष प्रवेज अली सिद्दिकीले गर्नुभएको थियो । बैठकमा दुवै संस्थाका सञ्चालक समितिका सदस्यहरू तथा वरिष्ठ व्यवस्थापन टोलीको सहभागिता रहेको थियो ।
बाँके युनेस्को क्लबका अध्यक्ष सिद्दिकीका अनुसार बैठकको मुख्य उद्देश्य बाँके युनेस्को क्लब र राधाकृष्ण जनसेवा केन्द्रबीच रणनीतिक समन्वयलाई थप सुदृढ बनाउनु, संस्थागत सुशासनलाई प्रभावकारी बनाउनु तथा परियोजनाका सम्पूर्ण गतिविधिहरूको नजिकबाट अनुगमन र प्रभावकारी कार्यान्वयन सुनिश्चित गरी समुदायमा दीर्घकालीन सकारात्मक प्रभाव सिर्जना गर्...
