एमसीसी विरुद्धको बन्द सकियो, विद्यालय र यातायात प्रभावित, पाँचजना पक्राउ
नेपालगञ्जपाटी समाचार
नेपालगञ्ज, १६ फागुन । एमसीसीको विरुद्धमा विभिन्न ८ दलले गरेको सोमवारको नेपाल बन्द सकिएको छ । सो बन्दका कारण बाँकेको यातायात, शैक्षिक संस्था, उद्योग, व्यवसाय लगायतको क्षेत्र प्रभावित भएको थियो । एमसीसीको विरोध गर्दै बाँकेमा बन्द गर्दै हिँडेका पाँचजना बन्दकर्तालाई प्रहरीले पक्राउ गरेको जिल्ला प्रहरी कार्यालय बाँकेका प्रवक्ता डिएसपी मधुसुदन न्यौपानेले बताउनुभयो ।
उहाँका अनुसार बाँकेमा सोमबार बन्द गराउँदै हिँडेका ५ जनालाई नियन्त्रणमा लिइएको हो । संसदबाट एमसिसी पारित भएको विरोधमा विभिन्न साना ८ दलले नेपाल बन्दको आब्हान गरेका थिए । नेत्रविक्रम चन्द, मोहन वैद्य, सिपी गजुरेल, चित्रबहादुर केसी, मोहनविक्रम सिंह, ऋषि कट्टेल, आहुती, कर्णजीत बुढाथोकी नेतृत्वको पार्टीले नेपाल बन्द आह्वान गरेका थिए ।
प्रहरीका अनुसार बन्दको बाँकेका बजारमा खासै प्रभाव परेको थिएन । पूर्वपश्चिम महेन्द...
