समाज

समाचारदाता बर्दिया, भदौ ८ गते । बर्दियाका बिभिन्न पालिकामा पालिकास्तरीय पूर्वसहभागी युवा क्लब गठन गर्ने कार्य शुरु गरिएको छ । सो क्रममा जिल्लाको बढैयाताल गाउँपालिका र गुलरिया नगरपालिकामा पालिकास्तरीय पूर्वसहभागी युवा क्लब गठन गरिएको हो । युवाहरूलाई एकताबद्ध गर्दै नेतृत्व विकास, सार्थक सहभागिता, सञ्जाल विस्तार, पैरवी तथा समुदायमा सकारात्मक सामाजिक रूपान्तरणका लागि सक्रिय बनाउने उद्देश्यले पालिकाहरुमा क्लबको गठन शुरु गरिएको जनाईएको छ । पूर्वसहभागी युवा क्लबको गठनसँगै सदस्यहरूको भूमिका तथा जिम्मेवारी, सञ्जाल विकास तथा पैरवी, अभियान निर्माण, व्यावसायिक क्लब व्यवस्थापन, युवा सहभागिता तथा युवाको नेतृत्वमा सामाजिक रूपान्तरणका पहलहरू सम्बन्धमा अभिमुखीकरणसमेत प्रदान गरिएको थियो । बढैयातालको कार्यक्रम उदघाटन सत्रमा बढैयाताल गाउँपालिकाका उपाध्यक्ष लक्ष्मी कुमारी अधिकारीको उपस्थिति रहेको थियो ...

समाचारदाता नेपालगन्ज, साउन २७ गते । अन्तर्राष्ट्रिय युवा दिवसको अवसरमा नगरस्तरीय युवा क्लब सञ्जालले नेपालगन्जमा युवाहरुको वर्तमान अवस्था र भविष्यको संभावना बिषयमा वक्तृत्वकला प्रतियोगिता सम्पन्न गरेको छ । नेपालगन्जका सामुदायिक र निजि विद्यालयका बिद्यार्थिहरुको सहभागिता रहेको सो प्रतियोगितामा मोडर्न उच्च माविका सगुन तिवारी प्रथम, महेन्द्र उच्च माविका विनिशा शाही द्धितिय, सोही बिद्यालयका मेहताब अलि तृतिय र टंक प्रसादले चौथो स्थान प्राप्त गरेर पुरस्कार जित्नुभयो । विजयी प्रतियोगिहरुलाई पुरस्कार तथा प्रमाणपत्र बितरण गर्दै नेपालगन्ज उपमहानगरपालिकाका नगर प्रमुख प्रशान्त विष्टले युवा भविष्यको मात्र कर्णधार नभई वर्तमानको पनि कर्णधार हुन् भन्ने कुरा पछिल्ला घट्नाक्रमले प्रमाणित गरेको बताउनुभयो । उहाँले युवालाई विभिन्न कुलतबाट जोगाउँदै एक सक्षम नागरिक बनाउनतर्फ सबैको ध्यान जानुपर्नेमा जोड दि...

समाचारदाता बर्दिया, साउन २१ । बालबालिका, किशोरकिशोरी तथा युवाहरूका लागि बर्दियामा सञ्चालित सेफ फ्युचर परियोजनाको संयुक्त समीक्षा बैठक सम्पन्न भएको छ । बैठकमा प्लान इन्टरनेशनल नेपाल, राधाकृष्ण थारु जनसेवा केन्द्र र बौँके युनेस्को क्लबका सञ्चालक समिति सदस्य, कार्यकारी नेतृत्व, परियोजना व्यवस्थापक, प्राविधिक सल्लाहकार तथा परियोजना टोलीका सदस्यहरूको सक्रिय सहभागिता रहेको थियो । बाँके युनेस्को क्लबका अध्यक्ष प्रवेज अलि सिद्दिकीले परियोजनाको समग्र प्रगतिको समीक्षा गर्दै रणनीतिक सहकार्यलाई थप सुदृढ बनाउने र बालबालिका, किशोरकिशोरी तथा युवाहरूका लागि सुरक्षित, समावेशी र सशक्त भविष्य निर्माण गर्ने साझा प्रतिबद्धतालाई पुनः पुष्टि गर्ने उद्देश्यले बैठक आयोजना गरिएको बताउनुभयो । समीक्षा बैठकले परियोजनाले हासिल गरेका प्रमुख उपलब्धिहरू, कार्यान्वयनको प्रगति तथा आगामी दिनमा सुधार गर्नुपर्ने पक्षहर...

समाचारदाता बर्दिया, राजापुर साउन २० । बाँके युनेस्को क्लबले बर्दियाको राजापुर नगरपालिकामा मानव बेचबिखन नियन्त्रण स्थानीय समितिको बैठकको समन्वय तथा सहजीकरणमा सहयोग गरेको छ । क्लबले प्लान इन्टरनेशनल नेपालको साझेदारीमा सञ्चालन गरेको सुरक्षा परियोजना अन्तर्गत सो बैठकमा सहयोग गरेको हो । राजापुर नगरपालिकाकी उपप्रमुख तथा स्थानीय मानव बेचबिखन नियन्त्रण समितिकी संयोजक मनकला कुमारी चौधरीको अध्यक्षतामा सम्पन्न बैठकमा समितिका सदस्यहरूको सहभागिता रहेको थियो । बैठकमा मानव बेचबिखन नियन्त्रणकालागि सञ्चालन भइरहेका गतिविधिको समीक्षा गर्दै सरोकारवाला निकायबीचको समन्वयलाई थप प्रभावकारी बनाउने तथा महिला, बालबालिका र अन्य जोखिममा रहेका समुदायको संरक्षणका लागि साझा कार्ययोजनाबारे छलफल गरिएको थियो । कार्यक्रमको सञ्चालन महिला तथा बालबालिका शाखा प्रमुख अनिता चौधरीले गर्नुभएको थियो । उहाँले सहभागीहरूलाई स्वा...

समाचारदाता नेपालगन्ज, साउन १७ । बाँके युनेस्को क्लबको ३७ ओै बार्षिक साधारणसभा तथा स्थापना दिवस आइतवार बिशेष समारोहका साथ भव्य रुपमा सम्पन्न भएको छ । क्लबका संस्थापक तथा अध्यक्ष प्रवेज अलि सिद्दिकीको सभापतित्वमा सम्पन्न भएको साधारणसभाको उदघाटन समारोहमा प्रमुख अतिथि वरिष्ठ समाजसेवी कृष्णजंग शाह हुनुहुन्थ्यो । शाहले उदघाटन मन्तव्य दिंदै कुनै पनि संस्था ३७ वर्षसम्म जिवन्त भएर समाजमा प्रतिष्ठाका साथ सञ्चालन हुनु भनेको अतिनै गौरवपुर्ण बिषय भएको बताउनुभयो । उहाँले यो संस्था यहाँसम्म ल्याउन संस्थापक र हालका अध्यक्ष सिद्दिकीको मुख्य भुमिका रहेकोमा जोड दिनुभयो । कार्यक्रममा गेरुवा गाउँपालिकाका प्रमुख कार्यकारी अधिकृत  बस बहादुर राना, मधुवन नगरपालिकाका शिक्षा युवा तथा खेलकुद शाखा प्रमुख नारायण प्रसाद खनाल, सोही पालिकाका महिला बालबालिका तथा जेष्ठ नागरिक शाखा प्रमुख इन्द्रा चुनारा, सोही पाल...

समाचारदाता गुलरिया, बर्दिया साउन १३ । बाँके युनेस्को क्लब, राधाकृष्ण जनसेवा केन्द्र तथा प्लान इन्टरनेशनल नेपालको साझेदारीमा सञ्चालित परियोजनाअन्तर्गत उच्चस्तरीय संयुक्त व्यवस्थापन बैठक बर्दियाको गुलरियामा सम्पन्न भएको छ । बैठकको संयुक्त अध्यक्षता राधाकृष्ण जनसेवा केन्द्रका अध्यक्ष दिनेश श्रेष्ठ तथा बाँके युनेस्को क्लबका अध्यक्ष प्रवेज अली सिद्दिकीले गर्नुभएको थियो । बैठकमा दुवै संस्थाका सञ्चालक समितिका सदस्यहरू तथा वरिष्ठ व्यवस्थापन टोलीको सहभागिता रहेको थियो । बाँके युनेस्को क्लबका अध्यक्ष सिद्दिकीका अनुसार बैठकको मुख्य उद्देश्य बाँके युनेस्को क्लब र राधाकृष्ण जनसेवा केन्द्रबीच रणनीतिक समन्वयलाई थप सुदृढ बनाउनु, संस्थागत सुशासनलाई प्रभावकारी बनाउनु तथा परियोजनाका सम्पूर्ण गतिविधिहरूको नजिकबाट अनुगमन र प्रभावकारी कार्यान्वयन सुनिश्चित गरी समुदायमा दीर्घकालीन सकारात्मक प्रभाव सिर्जना गर्...

समाचारदाता नेपालगन्ज, असार ३ । बर्दियाको मधुवन नगरपालिकामा स्थानीय मानव बेचबिखन तथा ओसारपसार नियन्त्रण समिति र बाल अधिकार समितिको संयुक्त बैठक सम्पन्न भएको छ । बाँके युनेस्को क्लबले प्लान इन्टरनेशनल नेपालको साझेदारीमा सञ्चालन गरिरहेको सुरक्षा परियोजना अन्तर्गत सो बैठक आयोजना गरिएको थियो । मधुवन नगरपालिकाका नगर प्रमुख तेजबहादुर भाटको अध्यक्षतामा सम्पन्न बैठकमा उपप्रमुख, प्रमुख प्रशासकीय अधिकृत, मानव बेचबिखन तथा ओसारपसार नियन्त्रण समिति र बाल अधिकार समितिका सदस्यहरू, वडा प्रतिनिधिहरू तथा बाल संरक्षण र मानव बेचबिखन विरुद्ध कार्यरत सरोकारवालाहरूको सहभागिता रहेको थियो । बैठकको सहजीकरण बाँके युनेस्को क्लबका परियोजना संयोजक ईश्वर बिक तथा महिला तथा बालबालिका शाखा प्रमुख इन्द्र चुनाराले गर्नु भएको थियो । कार्यक्रममा मानव बेचबिखन तथा हिंसाको जोखिममा रहेका व्यक्ति र बालबालिकाको संरक्षण, उद्धार तथ...