शिक्षा

समाचारदाता बर्दिया, १९ भदौ । बर्दियाको गेरुवा गाउँपालिकामा रहेका सबै सामुदायिक विद्यालयका प्रधानाध्यापकहरूका लागि सिकाइ पुनःस्थापना तथा तीव्र सिकाइ योजनाको कार्यान्वयन र प्रभावकारी सञ्चालनसम्बन्धी अभिमुखीकरण कार्यक्रम सम्पन्न भएको छ । गेरुवा गाउँपालिका र बालबालिका, किशोरकिशोरी तथा युवाका लागि सुरक्षित भविष्य परियोजनाको सहकार्यमा आयोजित कार्यक्रममा विद्यालय नेतृत्वको ज्ञान, बुझाइ तथा क्षमता अभिवृद्धि गरी सिकाइ पुनःस्थापना तथा तीव्र सिकाइ योजनालाई प्रभावकारी रूपमा कार्यान्वयन गर्ने विषयमा अभिमुखीकरण गरिएको थियो । कार्यक्रमको मुख्य उद्देश्य बालबालिकाको सिकाइ उपलब्धिमा सुधार ल्याउने, सिकाइस्तर कमजोर भएका विद्यार्थीलाई आवश्यक सहयोग उपलब्ध गराउने, शिक्षण तथा सिकाइको गुणस्तर सुधार गर्ने तथा बालबालिकाको नियमित विद्यालय उपस्थिति र विद्यालयमा निरन्तरता सुनिश्चित गर्ने रहेको थियो । कार्यक्रमक...

समाचारदाता बर्दिया, भदौ १३ । गुणस्तरीय शिक्षाको आधार सुदृढ गर्ने उद्देश्यले सुरक्षित भविष्य परियोजनाको सहकार्यमा बर्दिया जिल्लाको बारबर्दिया नगरपालिकाले नगरपालिकाभित्र कार्यरत करिब ५०० शिक्षकलाई समेट्दै तहगत तथा विषयगत शिक्षक सञ्जाल गठन गरेको छ । शिक्षकहरूबीच ज्ञान, सीप, अनुभव तथा असल अभ्यासको आदानप्रदानलाई संस्थागत गर्दै सहकर्मीबाट सिक्ने संस्कृति विकास, शिक्षण सिकाइको गुणस्तर अभिवृद्धि तथा विद्यार्थीको सिकाइ उपलब्धि सुधार गर्ने उद्देश्यले यो महत्वपूर्ण पहल अघि बढाइएको हो । बर्दियामा सुरक्षित भविष्य परियोजना राधाकृष्ण थारु जनसेवा केन्द्र र बाँके युनेस्को क्लबको संयुक्त पहलमा प्लान इन्टरनेशनल नेपालको सहयोगमा कार्यान्वयन भइरहेको छ । नगरपालिकाका विभिन्न विद्यालयमा कार्यरत शिक्षकहरूलाई उनीहरूले अध्यापन गर्ने तह तथा विषयका आधारमा समूहबद्ध गरी साझा पेशागत सिकाइ तथा विज्ञ मञ्चका रूपमा शि...

समाचारदाता नेपालगन्ज, साउन ३१ । अन्तर्राष्ट्रिय युवा दिवस २०२६ को अवसरमा “फरक सन्दर्भ, साझा आकांक्षा” भन्ने मूल भावकासाथ बर्दियाको मधुवन नगरपालिकामा युवाकेन्द्रित सचेतनामूलक तथा अन्तरक्रियात्मक कार्यक्रम सम्पन्न भएको छ । मधुवन नगरपालिकाको आयोजना र बाँके युनेस्को क्लब तथा जिल्ला प्रहरी कार्यालय, बर्दियाको समन्वयमा सो कार्यक्रम सञ्चालन गरिएको हो । लागु औषध दुब्र्यसनी विरुद्ध बिधार्थीहरुमा सचेतना जगाउने उदेश्यले शुक्र माध्यमिक विद्यालय, भृकुटी माध्यमिक विद्यालय र धर्मज्योति माध्यमिक विद्यालयका बालबालिकाहरुलाई सो अभिमुखिकरण गरिएको हो । मधुवन नगरपालिकाका नगर प्रमुख तेजबहादुर भाट प्रमुख अतिथि रहनुभएको सो कार्यक्रममा महिला, बालबालिका शाखा प्रमुख इन्द्रा चुनारा, शिक्षा शाखा प्रमुख नारायण खनाल, वडा अध्यक्ष हर्क बहादुर बस्नेत, दिलिप गुरुङ, वडा सचिब शोभा शर्मा, बाँके युनेस्को क्लबका परियोजना ...

समाचारदाता बर्दिया, बारबर्दिया, साउन २४ । बर्दियाको बारबर्दिया नगरपालिकाका सामुदायिक विद्यालयका प्रधानाध्यापकहरूकालागि प्रारम्भिक पहिचान तथा विविध शैक्षिक आवश्यकतासम्बन्धी अभिमुखीकरण सम्पन्न भएको छ । बालबालिका, किशोरकिशोरी तथा युवाका लागि प्लान इन्टरनेशनल नेपाल, बाँके युनेस्को क्लब र राधाकृष्ण थारु जनसेवा केन्द्रको कन्सोर्टियममार्फत कार्यान्वयन भइरहेको सेफ फ्युचर परियोजना अन्तर्गत सो अभिमुखिकरण सम्पन्न भएको हो । बारबर्दिया नगरपालिकाका सबै सामुदायिक विद्यालयलाई समेट्दै ३८ जना प्रधानाध्यापकहरु सहभागी भएको सो कार्यक्रममा प्रारम्भिक पहिचान, बालबालिकाको सिकाइ तथा विकाससम्बन्धी आवश्यकता समयमै पहिचान गर्ने र विद्यालयस्तरमा आवश्यक सहयोग तथा सहजीकरणका उपायबारे जानकारी प्रदान गरिएको थियो । कार्यक्रममा नगरपालिकाका शतप्रतिशत सामुदायिक विद्यालयका प्रधानाध्यापकहरूको सहभागिता रहेको बाँके युनेस्को...

समाचारदाता बर्दिया, मधुवन साउन १७ । बाँके युनेस्को क्लबले प्लान इन्टरनेशनल नेपालको साझेदारी तथा मधुवन नगरपालिका शिक्षा शाखाको समन्वयमा “लैङ्गिक रूपान्तरणमुखी समावेशी कक्षा व्यवस्थापन, बाल संरक्षण तथा गुनासो सुनुवाइ संयन्त्र“ सम्बन्धी दुईदिने तालिम सम्पन्न गरेको छ । विद्यालयलाई सुरक्षित, समावेशी, लैङ्गिक उत्तरदायी तथा बालमैत्री सिकाइ केन्द्रका रूपमा विकास गर्दै प्रत्येक बालबालिकाले सम्मानका साथ सिक्न, सहभागिता जनाउन र आफ्नो क्षमता विकास गर्न सक्ने वातावरण निर्माण गर्ने उद्देश्यले सो तालिम सञ्चालन गरिएको हो । तालिममा मधुवन नगरपालिकाभित्रका विभिन्न विद्यालयका प्रधानाध्यापक, जेसी फोकल शिक्षक, विद्यालय व्यवस्थापन समितिका अध्यक्ष तथा अभिभावक–शिक्षक संघका अध्यक्ष गरी २० जनाको सहभागिता रहेको थियो । हभागीहरूले अन्तरक्रियात्मक छलफल, अनुभव आदानप्रदान तथा समूहगत अभ्यासमार्फत विद्यालयमा रहेका च...