मुख्य समाचार

समाचारदाता नेपालगन्ज, बैशाख ३० । बर्दिया जिल्लाको मधुवन नगरपालिकामा “एक घर, एक पढाइ कुना” अभियानलाई अभिभावकहरूले सक्रिय सहयोग गरेर आफ्ना बालबालिकाको शिक्षामा बिशेष ध्यान दिएको पाईएको छ । नगरपालिकामा पढाइ कुनाको बारेमा अनुगमन टोलीले गरेको अनुगमनका क्रममा आफ्ना बालबालिकाका लागि पढ्ने बानी विकास गर्न, नियमित गृहकार्य गराउन र विद्यालय जान उत्प्रेरित गर्ने कार्यमा अभिभावक आफै सक्रिय रहेको पाईएको शिक्षा समन्वय इकाइ बर्दियाले जनाएको छ । शिक्षा समन्वय इकाइ बर्दियाका प्रमुख सूर्य बहादुर बिष्टको संयोजकत्वमा रहेको अनुगमन टोलीले मधुवन नगरपालिकाको वडा नम्बर १ र २ मा पुगेर बालबालिकाको अध्ययनकालागि अनुकूल वातावरण सृजना गर्न बनाइएका पढाइ कुनाहरूको स्थलगत निरिक्षण अवलोकन गरेको थियो । अनुगमन गर्दा अभिभावकहरुले आफ्ना बालबालिकाको शिक्षाका लागि “एक घर, एक पढाइ कुना” अभियानलाई तिव्रता दिएर काम गरिरहेको पाईएको...

समाचारदाता नेपालगन्ज, बैशाख २३ । बर्दियाको मधुवन नगरपालिकाको शैक्षिक योजना २०८२–२०९१ र शिक्षा नीति २०८१ को प्रस्तावित मस्यौदामाथि छलफल कार्यक्रम सम्पन्न भएको छ । मधुवन नगरपालिकाका मेयर तथा शिक्षा समितिका संयोजक तेज बहादुर भाटको अध्यक्षतामा सम्पन्न भएको सो छलफल कार्यक्रममा उपमेयर अनिता चौधरी, सम्पूर्ण वडा अध्यक्षहरू, शिक्षा विज्ञहरू, प्याब्सन प्रतिनिधि, शिक्षक संघ संगठनका प्रतिनिधि, विद्यालयका प्रधानाध्यापकहरू तथा विद्यालय व्यवस्थापन समितिका अध्यक्षहरूको उपस्थिति रहेको थियो । प्लान इन्टरनेशनल नेपाल, बाँके युनेस्को क्लब र बी–ग्रुपको सहकार्य र मधुवन नगरपालिकाको शिक्षा, युवा तथा खेलकुद शाखाद्वारा आयोजना गरिएको सो छलफल कार्यक्रम मधुवन नगरपालिकामा गठित कार्यदलको लामो छलफलबाट तयार गरिएको प्रस्तावित मस्यौदालाई थप व्यापक बनाउन आवश्यक सुझाव र बहसद्वारा अन्तिम रूप दिने बिषयमा केन्द्रित रहेको थियो ।...