मुख्य समाचार

समाचारदाता नेपालगन्ज, साउन १६ । धेरैदिनपछि परेको भिषण वर्षाले गर्दा नेपालगन्जका अधिकांश भागहरु जलमग्न भएक छन् । वर्षाले विभिन्न ठाउँका सयौं घर र पसलमा पानी पसेर क्षति समेत गरेको स्थानीयले जनाएका छन् । वर्षाले उपमहानगरका अधिकांश भागमा पानी जमेपछि दर्जनौँ घरमा पानी पसेर डुबान भएको स्थानीयले पीडा सुनाएका हुन् । नगरको ईदगाह रोड, घरबारी टोल, न्यूरोडको सेतुविक चोकदेखि त्रिवेणी मोडसम्मको क्षेत्र, गणेशपुरको बस्ती, बसपार्क क्षेत्र, धम्बोझी, एकलैनी टोल, बिपी चोक, गुरुद्वारा रोड, बिलासपुर, कोरियनपुर र भृकुटीनगर तथा वडा २०, १४, २२ र २३ का धेरै क्षेत्रमा पानी भरिएर ती क्षेत्रहरु जलमग्न भएका छन् । इदगाहरोड, घरबारी टोल, न्यूरोड र एकलैनीका अधिकांश पसल र घरमा समेत पानी पसेको स्थानीय बासिन्दाले जनाएका छन् । अत्यधिक बर्षाले धेरैको घर र पसलमा पानी पसेर बेहाल बनाएको इदगाह रोड वडा –११ का जावेद सिद्दिकीले बता...

सिराज खान नेपालगन्ज, साउन १६ गते । कोहलपुर नगरपालिका १० कालिकानगर बस्ने ६५ वर्षीय हरि बहादुरलाई डुडुवा खोलाले बगाएपछि बेपत्ता भएका छन् । कोहलपुर ११ क्रिकेट मैदान नजिकै डुडुवा खोलामा बुधबार दिउँसो दाउरा सङ्कलन गर्न गएका उहाँलाई खोलाले बगाउँदा बेपत्ता भएको इलाका प्रहरी कार्यालय कोहलपुरले जनाएको छ । इलाका प्रहरी कार्यालय कोहलपुरका प्रमुख डिएसपी धर्मराज भण्डारीले दिनुभएको जानकारी अनुसार जिल्ला जुम्ला कनका सुन्दरी गापा ७ गेकाबाडा घर भई हाल जिल्ला बाँके कोहलपुर १० कालिकानगर बस्ने वर्ष ६५ का हरि बहादुर डुडुवा खोलाबाट दाउरा निकाल्ने क्रममा बुधबार दिउँसो २ बजेर १४ मिनेटमा खोलाले बगाउँदा बेपत्ता हुनु भएको हो । उहाँले आफ्नो कमाण्डमा १५ जना प्रहरीको टोलीले बेपत्ता हुनुभएका हरि बहादुरको खोजतलास गरेपनि फेला नपारेको जनाउँदै सशस्त्र प्रहरी गण नेपाल राजश्व प्रहरी इकाई कोहलपुर बाँकेबाट सशस्त्र प्रहरी निर...

सिराज खान नेपालगन्ज, साउन ४ गते । बाँकेको नेपालगन्ज(कोहलपुर सडक खण्डमा बसको ठक्करबाट एक महिलाको मृत्यु भएको छ । नेपालगन्जबाट कोहलपुरतर्फ जाँदै गरेको लु २ ख ४६ नम्बरको मिनी बसको ठक्करबाट शुक्रवार दिउँसो जानकी गाउँपालिका ६ की ६५ वर्षीया कलावती भाटको मृत्यु भएको इलाका प्रहरी कार्यालय कोहलपुरले जनाएको छ । इलाका प्रहरी कार्यालय कोहलपुरका अनुसार बसको अगाडिको पट्टा एक्कासि भाँचिएर गनापुरमा पैदलयात्रु भाटलाई ठक्कर दिएको थियो । बसको ठक्करबाट घाइते भाटको नेपालगन्ज नर्सिङ होममा उपचारको क्रममा मृत्यु भएको प्रहरीले जनाएको छ । भाटको शवलाई नेपालगन्ज नर्सिङ होममा राखिएको छ । मृतक महिलाका आफन्तहरुले बसले ठक्कर दिएपछि ब्याक गरेर मारेको आरोप लगाएका छन् । बस र चालकलाई प्रहरीले नियन्त्रणमा लिएको इलाका प्रहरी कार्यालय कोहलपुरले जनाएको छ । गोरखापत्र अनलाइनबाट  ...